Лондоннинг "Арсенал" клуби бош мураббийи Микель Артета чемпионлик учун курашда "Манчестер Сити" билан рақобат ҳақида фикр билдирди.
"Канонирлар" Премьер-лиганинг 19-туридан кейин "шаҳарликлар"ни 4 очкога ортда қолдирмоқда. Бугун лондонликлар "Борнмут" меҳмони бўлишади.
"Босимни қандай енгиш мумкин? Шунчаки ўйинларда ғалаба қозониш керак. Янада кўпроқ очко тўплаш, янада кўпроқ ғалаба қозониш керак. Бу ўз мақсадига эришишнинг ягона йўли.
Ўтмишдан сабоқ чиқара билиш жуда муҳим. Бу "Борнмут" билан аввалги ўйинларимизга ҳам тегишли. Ўзимизни энг яхши тарзда кўрсатиб, ғалаба қозониш муҳим, рақибларнинг натижалари эса бизга боғлиқ эмас," - дея "Манчестер Сити" билан рақобат борасидаги саволга жавоб берди Артета.
Хосеп Гвардиола жамоаси ўз ўйинини бир кун кейин ўтказади - рақиб "Челси" бўлади.
