Миланнинг "Интер" клуби марказий ҳимоячиси Алессандро Бастони "Барселона"нинг устувор мақсадларидан бири ҳисобланади.

Иккала клуб ҳам "Ал-Ҳилол"нинг ўнг қанот ҳимоячиси Жоау Канселуга даъвогарлик қилмоқда, аммо "кўк-анорранглилар"нинг асосий вазифаси ҳимоя марказини кучайтириш бўлиб қолмоқда.

Журналист Жанлуижи Лонгарининг маълум қилишича, каталонияликлар январь ойида португалиялик учун курашда "нерадзуррилар"га жиддий рақиб бўлиши даргумон, аммо ёзда улар Алессандро Бастонини ўз томонига оғдириб олишга уринишади. "Барселона" италиялик марказий ҳимоячини қўлга киритишни орзу қилмоқда ва қимматбаҳо трансфер учун маблағни сақлаб қолмоқчи.

Алессандро Бастонига "Ливерпуль" ҳам қизиқиш билдирмоқда. 26 ёшли футболчининг transfermarkt экспертлари баҳосига кўра, нархи 80 млн еврога тенг.