Бутунжаҳон бокс ассоциацияси (WBA) ўзининг янгиланган рейтингини эълон қилди. Ушбу рейтинг чарм қўлқоп усталарининг 2025 йил декабрь ойи якунига кўра қайд этган натижалари орқали тузилди.
Қувонарлиси, ушбу жадвалдан 8 нафар ўзбекистонлик боксчи ўрин олди. Аниқроқ айтадиган бўлсак, мамлакатимиз шарафини турли мусобақаларда муносиб ҳимоя қилаётган Шаҳрам Ғиёсов WBA рейтингининг ярим ўрта вазн тоифасида биринчи ўринда қолган бўлса, Бектемир Мелиқўзиев супер ўрта вазндаги иккинчи поғонасини сақлаб қолди.
Шунингдек, ярим енгил вазнда Отабек Холматов, биринчи ярим енгил вазнда эса Муҳаммад Шехов 3-ўринда қайд этилган бўлса, Муроджон Аҳмадалиев биринчи ярим енгил вазн тоифасида 4-поғонадан жой олди.
Исроил Мадримов супер ярим ўрта вазнда 6, Ҳасанбой Дўсматов минимал вазнда 7-ўринга жойлашди. Енгил вазнда фаолият олиб борувчи Сирожбек Исмоилов 15-ўринни банд этди.
