Англия терма жамоасининг собиқ дарвозабони Фрейзер Форстер фаолиятини Англиянинг "Борнмут" клубида давом эттиради. Ўтган йилнинг ёзидан буён эркин агент мақомида қолаётган 37 ёшли посбон билан шартнома имзоланганини Англия Премьер-лигаси клуби расмий сайти эълон қилди.

Хабар қилинишича, Форстер "Борнмут" билан олти ойлик шартнома имзолаган - 2025/2026 йилги мавсум охиригача. Англиялик футболчи қишки трансфер ойнасида жамоанинг илк янги футболчисига айланди. "Борнмут"да Форстер 17-рақамда ҳаракат қилади.

Форстер Англия терма жамоаси сафида олтита ўйин ўтказган. У бунгача "Тоттенхэм", "Саутгемптон", "Селтик" ва "Ньюкасл" каби клублар шарафини ҳимоя қилган.