"Астон Вилла" бош мураббийи Унаи Эмери жамоага янги келган Алиссон Эдвард ҳақида фикр билдирди. Бразилиянинг "Гремио" клубининг 19 ёшли футболчиси клубга 10,5 миллион еврога тушди, дея хабар бермоқда BBC.
"У вингер сифатида яхши дриблингга эга. Одатда ўнг қанотда ўйнайди, жисмонан яхши, ҳимояда ҳам ишлайди. У етарлича шиддат билан ҳимояланиши ва ҳужум қилиши мумкин. У ҳали ёш, шунинг учун дастлаб машғулотларда мослашади, кейин эса АПЛ ўйинларида бизда мавжуд бўлган талабларга мувофиқ ўсиб боради, деб умид қиламан," - деди мураббий.
Алиссон "Гремио"нинг асосий таркибида 41 та ўйин ўтказиб, 1 та гол ва 2 та голли узатмани амалга оширган. У илгари Бразилия U-16 терма жамоасига чақирилган (3 та ўйин ва 3 та гол).
