Сўнгги вақтларда Англия матбуотида Рубен Аморимнинг "Манчестер Юнайтед" бош мураббийлигидан истеъфога чиқарилиши ҳақида яна гап-сўзлар тарқалмоқда.

"Қизил иблислар"нинг мавсумдаги мақсади еврокубокларга йўлланма олиш экани клубда доим айтиб келинади. Журналист Саймон Стоуннинг сўзларига кўра, агар бу вазифа ҳал этилмаса, португалиялик мутахассис жиддий муаммоларга дуч келади. Катта эҳтимол билан, бундай ҳолатда манкунианликлар раҳбарияти мавсумлар оралиғида мураббийларни алмаштиришга қарор қилади.

Айни дамда "Манчестер Юнайтед" Премьер-лига турнир жадвалида олтинчи ўринни эгаллаб турибди. Эслатиб ўтамиз, жорий мавсумда Аморим жамоаси еврокубокларнинг ҳеч бирида иштирок этмаяпти.