"Барселона" ярим ҳимоячиси Фермин Лопес Ла Лига чемпионлик пойгаси ҳақидаги саволга жавоб берди.
Шанба куни "кўк-анорранглилар" "Эспаньол"ни мағлуб этиб (2:0), 2-ўриндаги "Реал" билан орадаги фарқни 7 очкога етказди. "Қаймоқранглилар"да битта захира ўйини бор.
"Биз Ла Лига фаворитимизми? Ишончим комил эмас. Олдинда ҳали кўп ўйинлар бор, аммо ҳозир яхши ҳолатдамиз. Бизда "Реал"дан устунлик бор ва бизнинг мақсадимиз - шу темпни сақлаб қолиш, очко тўплашда давом этиш," - деди Фермин Каталония дербисидаги ғалабадан кейин берган интервьюсида.
Якшанба куни Мадриднинг "Реал" клуби ўз майдонида "Бетис"ни қабул қилади.
