Мадриднинг "Реал" клуби президенти Флорентино Перес ҳужумчи Гонсало Гарсиянинг ўйинидан ҳайратда.

21 ёшли футболчи Ла Лига доирасида "Бетис"га қарши ўйинда (5:1) хет-трик қайд этишга муваффақ бўлди. "Қироллик клуби" раҳбари Перес маҳаллий академия тарбияланувчисининг муваффақиятидан фахрланмоқда, деб хабар бермоқда журналист Фабрицио Романо. Клублар ўртасидаги жаҳон чемпионатида ёрқин ўйин кўрсатган ёш испаниялик ёзда кетиши мумкин эди, аммо "Реал" истиқболли ҳужумчи бўйича таклифларни кўриб чиқишни хаёлига ҳам келтирмади.

Гонсало Гарсия жорий мавсумда "Бетис"га қарши ўйингача гол ура олмади - у Мбаппе билан рақобат туфайли кам ўйин амалиётига эга бўлди.