"Лацио" ярим ҳимоячиси Маттео Гендузи Туркия чемпионатига кўчиб ўтишга яқин турибди.
Инсайдер Николо Скиранинг маълум қилишича, француз фаолиятини "Ференбахче"да давом эттиради. Футболчи аллақачон турк клуби билан шахсий шартнома шартларини келишиб олган. У 2030 йилгача мўлжалланган шартномани имзолайди ва унинг маоши ҳар мавсум учун тўрт миллион еврони ташкил қилади (плюс бонуслар). Айни пайтда "Фенербахче" келишувни якунлаш учун "Лацио" билан фаол музокаралар олиб бормоқда.
Маттео Гендузи 2024 йилнинг ёзида "Марсель"дан 13 миллион евро эвазига "Лацио"га ўтганди. Унинг шартномаси 2028 йилнинг 30 июнига қадар мўлжалланган. Ярим ҳимоячи жорий мавсум 16 та ўйинда майдонга тушиб, 2 та гол урди ва 1 та голли узатмани амалга оширди. Transfermarkt портали Гендузини 28 миллион еврога баҳоламоқда.
