"Lasio" yarim himoyachisi Matteo Genduzi Turkiya chempionatiga ko‘chib o‘tishga yaqin turibdi.

Insayder Nikolo Skiraning ma’lum qilishicha, fransuz faoliyatini "Ferenbaxche"da davom ettiradi. Futbolchi allaqachon turk klubi bilan shaxsiy shartnoma shartlarini kelishib olgan. U 2030 yilgacha mo‘ljallangan shartnomani imzolaydi va uning maoshi har mavsum uchun to‘rt million yevroni tashkil qiladi (plyus bonuslar). Ayni paytda "Fenerbaxche" kelishuvni yakunlash uchun "Lasio" bilan faol muzokaralar olib bormoqda.

Matteo Genduzi 2024 yilning yozida "Marsel"dan 13 million yevro evaziga "Lasio"ga o‘tgandi. Uning shartnomasi 2028 yilning 30 iyuniga qadar mo‘ljallangan. Yarim himoyachi joriy mavsum 16 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Transfermarkt portali Genduzini 28 million yevroga baholamoqda.