"Манчестер Сити" ҳужумчиси Омар Мармуш Англиянинг бошқа бир клуби - Бирмингемнинг "Астон Вилла" клуби қизиқишлари доирасида бўлиб турибди. Бу ҳақда Teamtalk журналисти Дин Жонс хабар берди.
АПЛ етакчиларидан бири мисрлик футболчи орқали ҳужум чизиғини кучайтирмоқчи. Мармуш учун курашда "шерлар"нинг рақиби Лондоннинг "Тоттенхэм" клуби ҳисобланади.
"Манчестер Сити" эса мавсум ўртасида Омар билан хайрлашишни истамаяпти.
26 ёшли мисрлик футболчи ўтган йилнинг январида "шаҳарликлар" сафига қўшилган эди. Футболчининг шартномаси 2029 йилнинг ярмигача мўлжалланган. Transfermarkt экспертлари Мармушнинг бозор нархини 65 миллион еврога баҳоламоқда.
