"Атлетик" клуби қанот ҳужумчиси Нико Уильямс фаолиятини Лондоннинг "Тоттенхэм" клубида давом эттириши мумкин. Бу ҳақда журналист Крис Коулин хабар берди.
Манбага кўра, "шпорлар" 23 ёшли испаниялик футболчини ўз сафига қўшиб олмоқчи. Инглиз клуби Уильямсни "Кристал Пэлас"га сотиб юборилган Бреннан Жонсонга ўринбосар сифатида кўрмоқда. Бироқ, вингерни қўлга киритиш жуда қийин бўлади, чунки унинг "Атлетик" билан шартномаси 2035 йилгача мўлжалланган ва бир мавсум учун тахминан 21 миллион евро маош олади.
Жорий мавсумда Нико Уильямс барча турнирларда 19 та ўйинда майдонга тушиб, 3 та гол урди ва 3 та голли узатмани ўз ҳисобига ёздириб қўйди.
Transfermarkt портали мутахассислари футболчининг нархини 60 миллион еврога баҳоламоқда.
