"Кристал Пэлас" бош мураббийи Оливер Гласнер "Манчестер Юнайтед"нинг жорий мавсумдаги тактикаси ҳақида 1000 саҳифали кенг қамровли ҳисобот тайёрлади. Гласнер клубда суҳбатлашиш вақти келишига ишончи комил эди. Бу ҳақда Х ижтимоий тармоғидаги Indykaila аккаунти хабар бермоқда.
Эслатиб ўтамиз, 5 январь куни "Манчестер Юнайтед" Рубен Аморим жамоа бош мураббийлигидан истеъфога чиқарилганини расман эълон қилди. Шу муносабат билан, ОАВ маълумотларига кўра, Гласнер бўш лавозимга асосий номзодлардан бирига айланди.
Бошқа даъвогарлар орасида Томас Тухель ва Роберто Де Дзерби ҳам бор, агар клуб янги мураббий тайинлашни ёзга қолдиришга қарор қилса, улар ҳам асосий номзодлар сифатида кўрилмоқда. Бундан ташқари, эҳтимолий номзодлар орасида "Ипсвич" бош мураббийи Киран Маккенна ва "Челси"дан истеъфога чиқарилган Энцо Мареска ҳам тилга олинмоқда.
