"Бавария" Леннарт Карл билан янги шартнома имзолашни режалаштирмоқда.

Sky Sport хабарига кўра, ярим ҳимоячининг Мюнхен клуби билан амалдаги шартномаси 2029 йилгача автоматик равишда узайтирилган - у 2026 йилнинг февралида, футболчи 18 ёшга тўлганида кучга киради. Унинг маоши бир мавсум учун 2 миллион еврогача ошади.

Бироқ, "Бавария" футболчи билан узоқроқ муддатга шартнома имзоламоқчи ва унинг маошини йилига 5-8 млн еврогача оширмоқчи. Карлнинг ўзи янги шартномани имзолашга тайёр, аммо томонлар ўртасида ҳали музокаралар йўқ.

Леннарт жорий мавсум Бундеслигада 13 та ўйинда майдонга тушди ва ўз ҳисобига 3 та гол ҳамда 2 та голли узатма ёздириб қўйди.