Англия чемпионатида 21-тур ўйинлари бўлиб ўтди, унда "Ньюкасл" "Лидс"ни 4:3 ҳисобида мағлуб этди.
"Ньюкасл" устози Эдди Хау жуда хурсанд, у рақиб ҳеч ҳам ёмон ўйнамаган бўлса-да, унинг жамоаси омадли бўлди деб ҳисоблайди.
"Бу АПЛнинг классик ўйини эди, биз кучлироқ бўлганимизга ишончим комил эмас, аммо характер кўрсатдик. Ўйинни ўзгартириб, омадни ҳам ўз томонимизга оғдирдик, бу биз билан камдан-кам содир бўлади", - дея "Ньюкасл" устозининг сўзларини келтиради BBC Sport.
Айни дамда "Ньюкасл" Англия Премьер-лигаси турнир жадвалида олтинчи ўринни эгаллаб турибди.
