Мадриднинг "Реал" клуби ҳужумкор ярим ҳимоячиси Арда Гюлер Лондоннинг "Арсенал" клуби футболчисига айланиши мумкин.
Журналист Экрем Конур тарқатган хабарга кўра "канонирлар" 20 ёшли туркиялик ярим ҳимоячини диққат билан кузатмоқда. Тез орада инглиз гранди "Реал"га Гулерни сотиб олиш шарти билан ижарага олиш бўйича таклиф билан чиқиши мумкин. Қайд этилишича, "Реал" хавбекни қўйиб юбориш ёки юбормаслик борасида ҳали бир қарорга келмаган.
Гюлер бу мавсумда барча мусобақаларда 26 та ўйинда майдонга тушиб, 3 та гол урди ва 8 та голли узатмани амалга оширди.
Transfermarkt портали маълумотларига кўра, Гюлернинг нархи 90 миллион еврони ташкил этади.
