А Серия матбуот хизматининг хабар беришича, "Интер" устози Кристиан Киву декабрь ойи якунларига кўра Италия чемпионатининг энг яхши мураббийи деб топилди.

Ўтган ойда миланликлар А Серия доирасида учта ўйин ўтказиб, уларнинг барчасида ғалаба қозонди. Руминиялик мутахассис шогирдлари "Комо" (4:0), "Женоа" (2:1) ва "Аталанта"ни (1:0) мағлуб этди. Айни пайтда "Интер" 42 очко билан Италия чемпионати турнир жадвалида пешқадамлик қилмоқда. "Нерадзуррилар" 2-ўриндаги "Милан"ни 3 очкога ортда қолдирмоқда.

Кристиан Киву "Интер"ни 2025 йилнинг ёзида қабул қилиб олди ва икки мавсумлик шартнома имзолади. Руминиялик мураббий 2018 йилдан 2024 йилгача "Интер"нинг турли ёшдаги жамоаларини бошқарган, 2025 йилнинг февралидан июнигача эса "Парма"да ишлаган.