"Арсенал" ярим ҳимоячиси Деклан Райс ярим йилга ҳайдовчилик гувоҳномасидан маҳрум қилинди. Кроули магистрат суди тезликни ошириш билан боғлиқ иккита ҳолатни кўриб чиққач, шундай қарорга келди, деб ёзади Daily Mail.
Футболчига ҳайдаш тақиқидан ташқари, пул жаримаси ҳам тайинланган. Тўловларнинг умумий миқдори жарима ва суд харажатларини ҳисобга олган ҳолда 2185 фунтни ташкил этди. Райснинг ўзи суд мажлисига келмади.
Англия чемпионатининг бу мавсумида 26 ёшли Райс 19 та ўйинда қатнашиб, 4 та гол урди ва 5 та голли узатмани амалга оширди. Унинг клуб билан шартномаси 2028 йилнинг ёзигача мўлжалланган.
