Франциянинг "ПСЖ" клуби бош мураббийи Луис Энрике келаси йили клубини ўзгартириши мумкин. Вариантлардан бири "Манчестер Юнайтед"дир.
Defensa Central хабарига кўра, испаниялик мутахассис аллақачон келажак учун режалар туза бошлаган. Энрике янги жамоасида ҳозирда "Реал"га тегишли бўлган бразилиялик ҳужумчи Родригони кўрмоқчи.
"Қаймоқранглилар" сафида ҳужумчи барқарор ўйин амалиётига эга бўлмайди, шунинг учун у жамоасини ўзгартириши мумкин. "Қироллик клуби" эса ўз навбатида Родригони 80 миллион еврога сотишга тайёр. 25 ёшли бразилияликнинг мадридликлар билан шартномаси 2028 йилнинг июнь ойи охирида якунига етади.
