Антуан Семеньо "Борнмут" мухлисларига мурожаат қилди. Аввалроқ, 26 ёшли вингер 62,5+1,5 млн фунт эвазига "Манчестер Сити"га ўтганди.

"Бу ақл бовар қилмайдиган уч йил эди. Мен бу ерга жуда ёшлигимда, ўқиш истагида, амбициялар ва муваффақиятга чанқоқлик билан келганман.

Шунчаки айтмоқчиманки, "Борнмут" мухлислари алоҳида миннатдорчиликка лойиқ. Сиз мен учун алоҳида эдингиз, сиз ажойиб эдингиз, мени қўллаб-қувватладингиз, ҳимоя қилдингиз ва менга ўйинчи сифатида керак бўлган ишончни бердингиз. Бунинг учун сизга раҳмат айтмоқчиман, холос. Мен буни ҳеч қачон унутмайман ва ҳар доим миннатдор бўламан", - деди Семеньо.