Нигерия терма жамоаси ҳужумчиси Виктор Осимхен Африка Миллатлар Кубоги чорак финалида Жазоир устидан қозонилган ғалаба (2:0) ҳақида фикр билдирди.
"Мен гол урдим ва голли узатма бердим, аммо биз шахсий ўйинимга эътибор қаратмаслигимиз керак - эътиборни терма жамоанинг жамоавий саъй-ҳаракатларига қаратиш лозим. Истеъдодли футболчилари кўп бўлган кучли Жазоир жамоаси устидан ғалаба қозондик.
Ўзимга келсак, аввалги Африка Кубогидаги тажрибамдан келиб чиқиб, ўйинга қўшилдим. Гап нафақат киритилган ҳал қилувчи голлар ҳақида, балки ўйиннинг боришига қандай таъсир кўрсатишимиз ва умумий ғалабага қандай ҳисса қўшишимиз ҳақида ҳам бормоқда - бу миллий жамоадаги энг муҳим нарса. Мен ҳар доим ҳам руҳий, ҳам жисмоний жиҳатдан такомиллашишга интиламан", - дея 27 ёшли футболчининг сўзларини келтиради турнир матбуот хизмати.
Осимхен Жазоир - Нигерия учрашувининг энг яхши футболчиси деб топилди. Унинг жамоаси ярим финалда Марокаш терма жамоаси билан куч синашади.
