"Локомотив" ярим ҳимоячиси Алексей Батраковга "Барселона", "Интер", "ПСЖ" ва "Ювентус" шунингдек, "Монако" ва "Порту" клублари қизиқиш билдирмоқда. Бу ҳақда Х ижтимоий тармоғида журналист Экрем Конур хабар берди.
Манбага кўра, "темирйўлчилар" 20 ёшли хавбек билан 35-40 миллион евро эвазига хайрлашишга тайёр.
Россияликнинг "Локомотив" билан шартномаси 2029 йилнинг ёзигача амал қилади. Transfermarkt портали футболчининг нархини 25 миллион еврога баҳоламоқда.
7 январь куни Батраковнинг агенти сўнгги пайтларда хавбекка бошқа клублардан қизиқиш йўқлигини айтганди.
Ярим ҳимоячи 2025/26 йилги мавсумда 23 та ўйинда майдонга тушиб, 15 та гол урди ва олтита голли узатмани амалга оширди. У "Локо" сафида жами 66 та ўйин ўтказиб, 31 та гол ва 16 та голли узатмани амалга оширган.
