"Интер" Италия чемпионатининг 20-турида ўз майдонида "Наполи" билан дуранг ўйнади - 2:2.

Мезбонлардан Федерико Димарко ва Хакан Чалханўғли гол урган бўлса, меҳмонлардан Скотт Мактоминай дублга эришди.

"Интер" А Серияда кетма-кет 6 ғалабадан иборат сериясига барҳам берди. У 19 ўйиндан кейин 43 очко билан Италия чемпионати турнир жадвалида пешқадамлик қилмоқда. "Наполи" 19 ўйинда 39 очко жамғариб, учинчи ўринда бормоқда.

Кейинги турда "Интер" 14 январь куни "Лечче"ни қабул қилади, "Наполи" эса шу куни ўз майдонида "Парма"га қарши баҳс олиб боради.

Интер - Наполи - 2:2

Голлар: Димарко, 9 (1:0). Мактоминай, 26 (1:1). Хакан Чалханоглу, 73 - пенальтидан (2:1). Мактоминай, 81 (2:2)

Интер: Зоммер, Бастони, Аканджи, Биссек, Димарко (Карлос Аугусту, 88), Барелла, Хакан Чалханўғли (Сучич, 87), Зелиньски (Мхитарян, 62), Луис Энрике, Тюрам (Эспозито, 83), Мартинес (Бонни, 87)

Наполи: Милинкович-Савич, Жуан Жезус, Ррахмани, Бекема (Ланг, 78), Спинаццола, Мактоминай, Лоботка, Ди Лоренцо, Эльмас, Политано (Маццокки, 90), Хейлунн

Огоҳлантиришлар: Жуан Жезус, 90