Туркиянинг «Фенербахче» клуби Саудия Арабистонининг «Ал-Иттиҳод» жамоаси таянч яримҳимоячиси Н’Голо Кантени таркибига қўшиб олишни истамоқда. Бу ҳақда Milliyet портали хабар бермоқда.

Манба маълумотига кўра, «Фенербахче» раҳбарияти ишни тезкор тарзда олиб боришни режалаштирган. 13 январь куни 34 ёшли франциялик футболчининг агенти билан учрашув ўтказилиши кутилмоқда.

Жорий мавсумда Канте майдонга 21 та ўйинда тушган (ўртача 87 дақиқа), 1 та гол урган ва ҳали бирор марта ҳам карточка олмаган. Илгари у «Челси» ва «Лестер» каби клубларда ҳам тўп ўйнаган.

Transfermarkt портали футболчининг бозор қийматини 4,5 миллион евро деб баҳоламоқда.