"Тоттенхэм" клуби "Атлетико" ярим ҳимоячиси Конор Галлахер трансферини келишиб олди, дея хабар бермоқда инсайдер Фабрицио Романо.
"Шпорлар" 25 ёшли инглиз учун 40 миллион евро тўлайди. Аввалроқ, мадридликлар футболчини "Астон Вилла"га сотиб олиш шарти билан ижарага беришга рози бўлгани, аммо футболчи "Тоттенхэм"ни танлагани ҳақида хабарлар тарқалган эди.
Галлахернинг "Атлетико" билан шартномаси 2029 йилнинг ёзигача амал қилади. Transfermarkt портали унинг нархини 35 миллион еврога баҳоламоқда.
2025/26 йилги мавсумда хавбек 27 та ўйинда майдонга тушиб, 3 та гол урди ва 1 та голли узатмани амалга оширди.
