"Вильярреал" ярим ҳимоячиси Томас Парти ўзига янги жамоа қидиради.
DAZN España нашри тарқатган хабарга кўра 32 ёшли хавбек "Вильярреал" раҳбарияти ва мураббийларини ишонтира олмаган, шу боис у билан шартнома узайтирилмайди. Жорий мавсум якунлангач, Парти жамоани эркин агент сифатида тарк этиши кутилмоқда.
Эслатиб ўтамиз, Парти "Вильярреал" сафига ўтган йилнинг августида келиб қўшилган эди. Ўшандан бери у барча турнирларни ҳисобга олган ҳолда 18 та ўйинда майдонга тушди ва самарали ҳаракат қилмади.
Нуфузли Transfermarkt портали мутахассислари Партининг нархини беш миллион еврога баҳоламоқда.
