Нуфузли The Athletic нашри "Ливерпул"нинг 2026 йилга мўлжалланган трансфер режаларини маълум қилди.
Манбага кўра, Мерсисайд клуби январь ойида Конор Брэдлининг оғир жароҳати фонида янги футболчилар билан шартнома имзоламайди. Аммо "қизиллар" келаси ёздаёқ асосий эътиборни янги марказий ҳимоячи топишга қаратмоқчи, чунки улар Иброҳима Конате билан шартномани узайтириш борасида келиша олмаяпти.
Қайд этилишича, Виржил ван Дейк ва Жо Гомеснинг клуб билан амалдаги шартномаси 2027 йилнинг июнь ойи охирида якунига етади, шу боис "Ливерпуль" раҳбарияти муносиб ўринбосар топиш устида иш олиб бормоқда.
Муҳаммад Салоҳ камида 2025/26-йилги мавсум охиригача клубда қолади, Федерико Кьеза эса яқин келажакда жамоани тарк этиши мумкин, чунки унга Туриннинг "Ювентус" клуби қизиқиш билдирмоқда.
Эслатиб ўтамиз, "Ливерпуль" 21-тур якунларига кўра 35 очко билан АПЛ турнир жадвалида тўртинчи ўринда бормоқда.
