"Барселона" сешанба куни "Ал-Ҳилол"дан Жоау Канселуни ижарага олганини эълон қилди, аммо тез орада маълумот "кўк-анорранглилар" сайти ва ижтимоий тармоқларидан ғойиб бўлди.
Mundo Deportivo хабарига кўра, "Барселона" Канселу трансферини ҳали тўлиқ ёпмагани учун у ҳақидаги хабарни олиб ташлаган. Каталонияликлар ҳали "Ал-Ҳилол" билан ҳужжатлар алмашиши керак.
"Барселона" 31 ёшли Канселуни ёзгача "Ал-Ҳилол"дан ижарага олади. 2023/2024 йилги мавсумда португалиялик "кўк-анорранглилар" сафида вақтинча тўп тепган ва 42 та ўйинда майдонга тушган.
"Барселона" навбатдаги ўйинини 15 январь, пайшанба куни Испания кубоги 1/8 финалида сафарда "Расинг"га қарши ўтказади.
