"Манчестер Сити" бош мураббийи Хосеп Гвардиола яримҳимоячи Бернарду Силванинг келажаги ҳақида гапирди. Сешанба куни португалиялик футболчи "шаҳарликлар"га сафарда "Ньюкасл"ни мағлуб этишга ёрдам берди (2:0) ва голли узатмани амалга оширди.
"Бернарду қанчалик яхшилигини тасаввур ҳам қилолмайсиз. Бизга у етишмайди. Умид қиламанки, у клуб билан шартномасини билмадим неча асрга узайтира олади. Бу йигит жангчи, у барча қоидаларни билади, ҳамма нарсани билади", - дея Гвардиоланинг сўзларини келтиради журналист Сем Ли.
31 ёшли "Манчестер Сити" сардорининг амалдаги шартномаси жорий мавсум якунлангач ўз ниҳоясига етади.
