Ла Лига президенти Хавьер Тебас "Атлетик" футболчиси Иньяки Уильямснинг Испания Суперкубогини мамлакат ташқарисида ўтказмаслик кераклиги ҳақидаги сўзларига муносабат билдирди. Сўнгги пайтларда турнир ўйинлари Саудия Арабистонида бўлиб ўтмоқда.
"Уильямснинг айтганлари Суперкубокнинг Испания майдонларига қайтишига сабаб бўлмайди. Суперкубок Испания футболи учун жуда муҳим даромад келтиради, нафақат ўйнайдиган клублар учун", - дея Тебаснинг сўзларини келтиради Marca.
Суперкубокнинг амалдаги ғолиби "Барселона" бўлиб, у жорий йилнинг 11 январь куни финалда Мадриднинг "Реал" клубини мағлуб этганди - 3:2.
