"Манчестер Сити" бош мураббийи Хосеп Гвардиола "Борнмут"дан 75 млн евро (65 млн фунт) эвазига ўтган Антуан Семеньонинг ўйинига муносабат билдирди.
"Биз "Борнмут" Семеньо билан амалга оширган ақл бовар қилмас ишни кўрдик. Ҳозир унинг ўйинини кузатяпман: ҳар сафар тўп унга текканида, у ҳар доим ҳаракат қилиш учун керакли жойда бўлади", - дея Гвардиоланинг сўзларини келтиради BBC.
Эслатиб ўтамиз, ганалик вингер ўз трансферидан сўнг "шаҳарликлар" сафида 2та ўйин ўтказди. У Англия кубоги доирасида "Эксетер"га қарши ўйинда (10:1) гол урди ва Англия лига кубоги ярим финалининг биринчи ўйинида "Ньюкасл Юнайтед"га (2:0) гол урди. Жорий мавсумда 26 ёшли Семеньо барча мусобақаларда жами 23та ўйинда майдонга тушиб, 12та гол урган ва 4та голга ҳаммуаллифлик қилган.
