Ўзбекистон U21 терма жамоаси ҳужумчиси Саидумархон Саиднуруллаев Жанубий Кореяга қарши ўйиндан кейин ўз фикрини билдириб ўтди. 20 ёшли футболчи жамоамизнинг иккинчи голига муаллифлик қилди.
«Ушбу ғалаба билан Ўзбекистоннинг барча халқини табриклайман. Бизни қўллаб-қувватлашда давом этинг. Биз ғалабаларимиз билан сизларни хурсанд қиламиз. Олға, Ўзбекистон!», — деди Саиднуруллаев.













