"Сельта", "Реймс" ва "Брайтон" клубларининг собиқ бош мураббийи Оскар Гарсия Альваро Арбелоанинг "Реал"га тайинлангани ҳақида фикр билдирди.

42 ёшли мутахассис мадридликлар жамоасини душанба куни - Хаби Алонсо кетганидан кейин қабул қилиб олди.

"У Моуриньога ўхшашни истайди ва ҳозирда "Реал" мураббийи бўлиб турганининг ягона сабаби шундаки, у фақат Моуриньо ҳақида гапиради.

Тактика нуқтаи назаридан, "Кастилья"нинг мен кўрган бир нечта ўйинларига қараганда, у Хаби Алонсо даражасида эмас.

У Хаби Алонсо билан чиқиша олмаган футболчилар билан ишлайди. Президент уни қанчалик қўллаб-қувватламасин, ипни ким тортиши ҳали номаълум. Президент учун Винисиус муҳимми ёки Арбелоа?

У мухлислар ундан қандай ўйин хоҳлаётганини билади... аммо вазиятни ўзгартириш учун у ўзини жуда яхши кўрсатиши керак бўлади," - деди Гарсия Catalunya Радио эфирида Тот Costa кўрсатувида.