Дарвозабон Марк-Андре тер Штеген "Барселона" захирасида қолиб кетаётганидан хурсанд эмас. Германиялик футболчи Каталония клубини тарк этишга қарор қилди - у "Жирона"да ижара асосида ўйнайди.
Таниқли журналист Нил Соланинг ижтимоий тармоқларда маълум қилишича, "Барселона", "Жирона" ва тер Штегеннинг ўзи ўртасидаги келишув якуний нуқтада турибди. Охирги тафсилотларни ҳал қилиш қолди.
33 ёшли тер Штеген маош бўйича бироз талабларини пасайтиришга рози бўлди.
"Жирона" футболчи маошининг ўзи кўтара оладиган қисмини ўз зиммасига олади. "Жирона" айни дамда Ла Лига турнир жадвалида 13-ўринда бормоқда.
