"Челси" ҳафта бошидан буён янги марказий ҳимоячи сотиб олиш бўйича фаол музокаралар олиб бормоқда, деб хабар берди Х ижтимоий тармоғида инсайдер Фабрицио Романо.
Манбага кўра, "Ренн" аъзоси 20 ёшли Жереми Жаке Лондон клуби шорт-листидан ўрин олган. У ўтган ёздан буён ушбу трансфер учун уч номзоддан бири бўлиб турибди. Тез орада қарор қабул қилинади.
Бу мавсумда Жаке барча мусобақаларда 17 та ўйинда майдонга тушди. Transfermarkt портали футболчининг трансфер қийматини 20 миллион еврога баҳолаган.
