"Манчестер Юнайтед" марказий ҳимоячиси Харри Магуайр жамоанинг янги устози Майкл Кэррик ҳақида қандай фикрда эканини айтди.
Англиялик мутахассис жорий мавсум якунига қадар "қизил иблислар" бош мураббийи вазифасини бажарувчи сифатида иш бошлади.
"Мен жуда таъсирландим. Албатта, мен Кэррикни илгари ҳам билардим ва у Сульшернинг ёрдамчиси сифатида ўзини қандай кўрсатганини эслайман.
Менга Кэррикнинг ғоялари ёқади. У тактика борасида жуда, жуда кучли. У "Мидлсбро"да бош мураббий сифатида тажрибага эга. Ишончим комилки, у бу ерда ўз ниятларини амалга ошира олади.
Майкл - клуб афсонаси, мухлислар уни қўллаб-қувватлайди. У ва бутун мураббийлар штаби бу ҳафта менда катта таассурот қолдирди," - деди Магуайр Sky Sports’га берган интервьюсида.
