"Манчестер Сити" ярим ҳимоячиси Фил Фоден клубга янги келган ҳужумчи Антуан Семеньонинг иқтидорини баҳолади.

"Жисмоний куч ва индивидуал ҳаракатлардаги тезлик, тўпни ушлаб туриш қобилияти - у иккала оёғида ҳам жуда яхши ўйнайди. У ақл бовар қилмайдиган истеъдод ва жамоамиздаги фаолияти ажойиб бошланди, умид қиламанки, шундай давом этади. Жамоа дўстона ва мослашиш осон, шунинг учун у тезда ўзини кўрсата олди", - дея Фоденнинг сўзларини келтиради "Манчестер Сити" матбуот хизмати.

Семеньо 75 миллион евро эвазига "Борнмут"дан "шаҳарликлар" сафига ўтди. Англия Премьер-лигасининг жорий мавсумида 25 ёшли футболчи 20 та ўйинда майдонга тушиб, 10 та гол урди ва 3 та голли узатмани амалга оширди.