"Кристал Пэлас" бош мураббий Оливер Гласнерни истеъфога чиқариш ҳақида ўйламоқда. Аввалроқ, 51 ёшли мутахассис мавсум якунлангач, клубни тарк этишини маълум қилганди.
"Сандерленд"дан учралган мағлубиятдан (1:2) кейин австриялик мураббий таркибдаги муаммолар фонида "Пэлас" раҳбариятини очиқчасига танқид қилди: "Бизни ташлаб кетишганини ҳис қиляпман. Кўп футболчилардан фойдалана олмайман. Улар қўлларидан келганча ҳаракат қилишди ва буларнинг барчаси бир неча ҳафта ва ойлардан бери давом этмоқда. Бизда атиги 12 ёки 13 киши бор ва биз қўллаб-қувватлашни ҳис қилмаяпмиз".
Sky Sports News хабарига кўра, клуб бошқаруви раиси Стив Периш шанба кунги ўйиндан кейин австрияликнинг сўзларидан ҳайрон бўлган ва ғазабланган.
Таъкидланишича, энди Периш Гласнерга сўнгги тўрт ой давомида ишлашга рухсат бериш ёки уни ҳозир ишдан бўшатиш ҳақида қарор қабул қилиши керак бўлади.
