"Милан" Италия чемпионатининг 21-турида ўз майдонида "Лечче"ни мағлуб этди - 1:0.
Ягона гол 76-дақиқада германиялик ҳужумчи Никлас Фюллькруг томонидан киритилди. У "қизил-қоралар" учун дебют тўпини киритди. Ҳужумчи "Милан"да "Вест Хэм"дан ижара асосида ўйнамоқда.
"Лечче" кетма-кет учинчи мағлубиятини қабул қилиб олди ва 21 ўйиндан кейин 17 очко билан Италия чемпионати турнир жадвалида 18-ўринда бормоқда. "Милан" 21 учрашувдан кейин 45 очко билан 2-ўринда бормоқда.
Кейинги турда "Лечче" 24 январь куни "Лацио"ни қабул қилади, "Милан" 25 январь куни "Рома" меҳмони бўлади.
Милан - Лечче - 1:0
Гол: Фюллкруг, 76 (1:0)
Милан: Меньян, Габбиа, де Винтер, Томори, Риччи (Лофтус-Чик, 73), Рабьо, Яшари (Модрич, 87), Эступиньян, Салемакерс (Атекаме, 80), Леау (Нкунку, 87), Пулишич (Фюллкруг, 72)
Лечче: Фальконе, Зиберт, Тиагу Габриэл, Галло (Н`Дри, 84), Ндаба, Рамадани (Мале, 85), Кулибали, Гандельман, Пьеротти, Соттиль (Банда, 54), Штулич (Тете Моренте, 68)
Огоҳлантиришлар: де Винтер, 21 - Рамадани, 84
