Германиянинг "Вердер" жамоаси ярим ҳимоячиси Романо Шмид Англиянинг "Лидс" клубига ўтиши мумкин. Бу ҳақда инсайдер Фабрицио Романо ижтимоий тармоқларда хабар берди.
Манба маълумотига кўра, трансфер бўйича музокаралар жадал тарзда давом этмоқда. Кутилишича, Шмид бонусларни ҳисобга олмаган ҳолда 15 миллион евро эвазига жамоасини алмаштиради.
«Штурм» тарбияланувчиси бўлган Шмид 2019 йилдан бери «Вердер» сафида тўп тепиб келмоқда. У Австрия терма жамоаси таркибида 31 та ўйин ўтказиб, 3 та гол урган. Жорий мавсумда эса 25 ёшли футболчи барча мусобақаларда 18 та учрашувда 2 та гол уриб, 5 та голли узатмани амалга оширган.
