Греция терма жамоаси ва "Лацио" дарвозабони Христос Мандас Англиянинг "Борнмут" клубига қўшилади. Бу ҳақда Calcio Mercato хабар берди.

Мандас янги жамоасига ижара асосида ўтади ва 22 миллион евро эвазига сотиб олиш имконияти ҳам кўзда тутилган. Ушбу шартнома банди икки шарт бажарилганда фаоллашади: футболчи белгиланган фоизда ўйинларда иштирок этиши ва унинг клуби еврокубокларга йўлланма олиши керак.

Мандас 2023 йил ёзида 1,3 миллион евро эвазига "Лацио" сафига қўшилган эди. Жорий мавсумда 24 ёшли дарвозабон фақат битта ўйинда майдонга тушди ва Кубок баҳсида "Милан"га қарши ўйинда дарвозасини дахлсиз сақлаб қолди.