"Наполи" бош мураббийи Антонио Конте Чемпионлар лигасида "Копенгаген"га қарши ўйин олдидан ўз кутилмалари билан ўртоқлашди.
Учрашув 20 январь куни Дания пойтахтида бўлиб ўтади.
"Бизни ҳал қилувчи ўйинлар кутмоқда. Чемпионлар лигасида йўлимиз қандай кечаётганини яхши тушунамиз ва Копенгагенда бизни фақат ғалаба қониқтиради", — дея мутахассис сўзларини келтиради УЕФА матбуот хизмати.
Жамоалар турнир жадвалида ёнма-ён кетмоқда. Иккаласида ҳам 7 тадан очко бор, аммо тўплар фарқи яхшироқ бўлгани учун неполликлар юқорироқ жойлашган.
Айни пайтда "Наполи" 23-ўринда, "Копенгаген" эса 24-поғонада бормоқда.













