Мисрнинг "Ал-Аҳли" жамоаси марказий ҳужумчиси Ҳамза Абделкарим фаолиятини "Барселона"да давом эттириши мумкин. Бу ҳақда инсайдер Фабрицио Романо хабар берди.
Манба маълумотларига кўра, "кўк-анорранглилар" қисқа танаффусдан сўнг 18 ёшли форвард бўйича "Ал-Аҳли" билан музокараларни қайта тиклаган. Қайд этилишича, бир неча ҳафта аввал "Барселона" футболчининг ўзи билан оғзаки келишувга эришган.
Абделкарим ҳисобида "Ал-Аҳли" асосий жамоаси сафида атиги 9 та ўйин бор. Ушбу баҳсларда ҳужумчи бирорта голда иштирок этмади.
Transfermarkt мутахассислари мисрлик футболчининг бозор қийматини 100 минг евро деб баҳоламоқда.
