Лиссабоннинг "Спортинг" жамоаси ҳужумчиси Луис Суарес Чемпионлар лигаси умумий босқичи 7-турида "ПСЖ"га қарши ўйиннинг (2:1) энг яхши футболчиси деб топилди. 28 ёшли колумбиялик футболчи дубль муаллифи бўлиб, лиссабонликларга ғалаба олиб келди.
"У кўп ҳолларда тўғри позиция танлади, тинмай меҳнат қилди ва хотиржамлигини сақлади. Натижада "Спортинг" учун ҳал қилувчи футболчига айланди. Керакли пайтда керакли жойда бўлганида ҳам у совуққонлигини йўқотмади", — дея таъкидлади UEFA техник кузатувчилари гуруҳи.
"Спортинг" 13 очко билан Чемпионлар лигаси умумий босқичи турнир жадвалида 6-ўринни эгаллаб турибди. "ПСЖ" ҳам 13 очко билан бешинчи поғонада бормоқда.
