"Интер" Янн Зоммер ўрнига юлдуз дарвозабон билан шартнома имзолаши мумкин. Италиянинг Sky телеканали журналисти Лука Бендонининг маълум қилишича, миланликлар "Астон Вилла" дарвозабони Эмилиано Мартинеснинг атрофидагилар билан дастлабки алоқани ўрнатган.
Ҳозирча "Интер" эҳтимолий ёзги трансфер шартларини ўрганмоқда холос.
Эмилиано Мартинес 33 ёшда, унинг "Астон Вилла" билан амалдаги шартномаси 2029 йилнинг ярмигача мўлжалланган. Нуфузли Transfermarkt портали мутахассислари тажрибали аргентиналикни 15 миллион еврога баҳоламоқда.
Хабарингиз бор, Мартинес 2022 йилги жаҳон чемпионатида энг яхши дарвозабон сифатида эътироф этилган эди.













