Жорий мавсум якунида жамоани тарк этадиган «Манчестер Юнайтед» ярим ҳимоячиси Каземиро «қизил иблислар» мухлисларига мурожаат йўллади.
«Қачон бир босқич ўз ниҳоясига етаётганини билиш керак. Қачон хайрлашиш лозимлигини, қачон сени абадий эслаб, ҳурмат қилишларини ҳис қилган пайтни англаш керак. Бу эмблема ва мақсадимиз учун бор кучимни беришга тўрт ой қолди.
“Манчестер Юнайтед” ҳамда унинг ажойиб мухлисларига абадий ҳурмат ва муҳаббат. Абадий “қизил иблис”, — деб ёзди Каземиро.
Футболчи 2022 йилда Мадриднинг «Реал» клубидан «Манчестер Юнайтед» сафига қўшилган эди. Шу давр мобайнида 33 ёшли ярим ҳимоячи барча мусобақаларда 146 та учрашувда иштирок этиб, 21 та гол урди ва 13 та голли узатма амалга оширди. Transfermarkt портали маълумотларига кўра, Каземиронинг бозор қиймати 8 миллион еврога тенг.













