"Айнтрахт" клуби ҳужумкор ярим ҳимоячиси Джан Узун Лондоннинг "Тоттенхэм" клуби кузатувига тушди. Ушбу маълумот CaughtOffside томонидан улашилган.
Манбага ишонадиган бўлсак, "шпорлар" Германияда жуда сифатли мавсум ўтказаётган 20 ёшли Узунни ўз сафига қўшиб олмоқчи. Ҳозирданоқ уни Европа футболининг бўлажак юлдузи деб ҳисоблашмоқда.
Жорий мавсумда Узун барча мусобақаларни қўшиб ҳисоблаганда 20 та ўйинда майдонга тушиб, 8 марта рақиблар дарвозасини ишғол қилди ва 4 та голли узатмани амалга оширди.
Узуннинг "Айнтрахт" билан шартномаси 2029 йилгача мўлжалланган. Transfermarkt экспертлари футболчининг нархини 45 миллион еврога баҳоламоқда.
