"Ливерпуль" бош мураббийи Арне Слот жамоа ҳужумчиси Муҳаммад Салоҳнинг жамоадаги ҳолати ҳақида гапирди. 

"Ўйлайманки, ҳар бир футболчи таркиб бўйича қарорни мураббий қабул қилишини билади. Кўриниб турибдики, 100 та ҳолатдан 99 тасида футболчилар ўзларини майдонга туширмаслик танловига рози бўлишмайди. Шундай бўлиши керак - агар ўзингизга ишонмасангиз, 60 минг томошабин олдида ўйнашингиз қийин бўлади.

Бу нафақат унга, балки ҳар бир кишига тегишли. Захирада қолиш ҳеч кимга ёқмайди, ҳамма жамоага ёрдам беришни хоҳлайди. Ўзингиз кўрганингиздек, Салоҳ кетма-кет бешта ўйинда ўзини захирада қолдиришни сўрайдиганлардан эмаслиги аниқ", - деди Слот матбуот анжуманида.