Англия премьер-лигаси ижрочи директори Ричард Скадэморнинг айтишича, голни аниқловчи Hawk-Eye тизими эндиликда гол бўлган-бўлмагани тўғрисидаги барча мунозараларга нуқта қўяди.
"Гол ёки гол эмаслиги мутлақо аниқ бўлади. Ҳеч қандай баҳсли вазиятлар бўлмайди - фақат фактларга асосланиб қарор қабул қилинади.
Барча дарвозаларга еттитадан камера ўрнатилади. Голни аниқлаш сониялар ичида амалга ошади. Ҳакамларга бу маълумотни етказиш ҳам жуда содда. Уларга фақат тўп чизиқни кесиб ўтган-ўтмагани хабар қилинади холос.
Ўтган мавсумда 31та вазият мана шу тизим ёрдамида тўғри ечим топиши мумкин эди. У тўлиқ текширувдан ўтказилган ва фойдаланишга тайёр", деди Скадэмор.
Эслатиб ўтамиз, Англия ФФ ушбу тизимни илк бор Англия суперкубоги учун бўладиган "МЮ" ва "Иуган" баҳсида қўллаб кўрмоқчи.
