Америка Қўшма Штатларининг Лас-Вегас шаҳрида бўлиб ўтаётган профессионал бокс оқшоми доирасида ўзбекистонлик Исроил Мадримов рингга кўтарилди.

Супер ярим ўрта вазн тоифасида жанг қилувчи Мадримовга Доминикан Республикаси вакили Луидс Давид Салазар рақиблик қилди.

10 раундлик жанг тўлиқ давом этди ва унда ҳакамларнинг якдил қарори билан (99-91, 99-91, 99-91) Исроил Мадримов ғалаба қозонди. Жанг давомида ўзбекистонлик чарм қўлқоп устаси катта устунликка эришди. Ушбу баҳсда Мадримовга Ўзбекистон аёллар бокс терма жамоаси бош мураббийи ва собиқ боксчи Элшод Расулов ҳамроҳлик қилди.

30 ёшли Исроил Мадримов проф боксда 14 та жанг ўтказиб, 11 та ғалаба, 1 та мағлубият ва 2 та дуранг қайд этган. Энди унинг ҳисобида 2 та мағлубият бор. 32 ёшли Луис Давид Салазар профессионал боксда иккинчи мағлуб бўлди. Унинг ҳисобида 20 та ғалаба мавжуд.

Мадримов сўнгги бор 2025 йилнинг 23 февраль куни Саудия Арабистонида WBC Интерим чемпионлик камари учун АҚШ вакили Вержил Ортисга қарши рингга кўтарилган ва ҳакамлар қарорига кўра имкониятни бой берган эди.